Þorrablótið á föstudaginn var mjög skemmtilegt. Í söngstund í salnum voru sungin vetraþorralög, smakkað hákarl og harðfisk og spjallað um lífið í gamla daga. Börnin fengu síðan ekta íslenskan þorramat í hádeginu. Þau fengu m.a. sviðasultu, slátur, harðfisk og grjónagraut. Þau voru  sérstaklega dugleg að smakka matinn:)

Það hefur verið nóg um að vera í þessari viku. Þessar vikurnar erum við með litaþema og þessa viku er gulur tekinn fyrir. Við höfum málað mörg listaverk með gulum lit og rætt um litinn meðal annars  í samverustund. Í dag komu mörg börn í fötum sem voru með gulan lit. 

Við erum einnig byrjuð að mála og líma ull á víkingakórónur sem við munum vera með á þorrablótinu á föstudaginn eftir viku:)

Þótt það sé búið að vera mjög kalt úti þá hafa börnin fundist mjög gaman að renna sér á snjóþotum í snjónum.

Núna eru svo börnin farin að fara aftur í sullið eftir ,,sulljólafrí:)"

Jólaballið í gær var mjög skemmtilegt. Við byrjuðum á hópmyndatöku og síðan var dansað í kringum jólatréð. Þegar við vorum búin að syngja nokkur lög mætti skyrgámur á svæðið og heilsaði upp á okkur. Hann söng með okkur, sagði brandara og gaf okkur mandarínur úr pokanum sínum. Við fengum síðan hangikjöt og meðlæti í hádegsmat.

Það sem er helst að frétta frá Guludeildinni er að við erum að æfa jólalögin á fullu í samverustundum. Það er gaman að segja frá því að við fengum afleysingjakennara í vikunni sem sat hjá börnunum í samverustund sem hafði orð á því hvað börnin væru sérstaklega dugleg að syngja og taka þátt í tímanum.